Ruben Troitiño
www.rubentroitino.com

Proxectos

Músicas de Terra de Montes

Recuncho adicado á música da comarca da Terra de Montes, centrándose na conservación, estudo e difusión das zonas do concello de Forcarei e antigo concello de Cerdedo creado polo músico Rubén Troitiño.

Neste portal web pódese facer un pequeno percorrido virtual polo que foron as músicas desa zona: gaiteiros, bandas de música, pequenas orquestras… xa que a maioria deles non foron famosas e famosos pero si populares, e grazas a isto todas as festas e romerías estaban amenizadas. Mantiveron a música viva durante moitos anos e deixaron un gran legado cultural.

Dentro deste apartado poderemos ler artigos coma os escritos sobre Avelino Cachafeiro, os gaiteiros de Soutelo, Ramiro Cortizo “O Capador de Muras”, Pedro Prado, bandas de música de Cerdedo, as pandeireteiras de Barro de Arén… e referencias a outras publicacións coma Canteiros e artistas de Terra de Montes e das Ribeiras do Lérez, Cancionero Musical de Galicia, as revistas Cotaredo e Metacios ou o Arquivo Dixital do Museo do Pobo Galego.

Toda a información compartida está en constante renovación coas últimas investigacións e novidades. Este proxecto é totalmente altruísta e de libre consulta.

Proxecto Homenaxe

Deseño de Carla Cabaleiro

O Proxecto Homenaxe é unha idea orixinal de Rubén Troitiño que xurde a través da necesidade de facerlle unha homenaxe a toda persoa, grupo de música ou institución que dedicaron a súa vida á conservación e difusión da música tradicional galega sendo esta parte fundamenta da cultura e tradición de Galicia.

Neste proxecto poden participar tódolos músicos que teñan relación coa música tradicional e queiran contribuir a recordar parta da nosa historia. Unha das caraterísticas máis destacables deste traballo é o caracter altruista.

A continuación móstrase as bases para poder participar neste proxecto:

  1. Cada músico só pode participar nunha gravación.

  2. Máximo unha peza por homenaxeado.

  3. Non aparecerán os nomes dos grupos participantes senon os membros que participen na gravación a título persoal.

  4. Tódalas gravacións faranse cun carácter altruísta.

  5. As gravacións colgaranse no portal SoundCloud de internet para unha libre escoita.

Composicións/Arranxos

Composicións e arranxos creados para diferentes formacións musicais. Neste apartado poderedes escoitar algún que outro tema.

Recuperando sons

Parte fundamental das investigacións levadas a cabo é recuperar aquelas vellas sonoridades da comarca da Terra de Montes, así é como se pretenden recuperar intrumentos antigos desa zona. Esto enmárcase dentro do Arquivo virtual das músicas da Terra de Montes.