• Titulado en Grao Profesional de Gaita Galega polo Conservatorio Profesional de Música de Vigo co mestre Xosé L. Miguélez, obtendo o Premio Extraordinario Fin de Grao.

• Titulado Superior na especialidade de Son pola Escola de Imaxen e Son de Vigo (EISV).

• Grao en Educación Primaria pola UVigo coas especialidades de Educación Musical e Audición e Linguaxe.

• Máster en Neuropsicopedagoxía pola EDECA.

Traxectoria musical vencellada á música tradicional galega e ao mundo coral. Dentro da música tradicional formando parte de diversas asociacións culturais, coma pode ser O Fiadeiro de Vigo, Os Abrentes de Cerdedo, a grupos de música tradicional/folque coma a charanga Vai de Baile (grupo formado para o programa Luar da Televisión de Galicia), Abóbriga ou na última etapa do grupo Quempallou. Dentro do mundo coral no coro Miñoca ma non toppo de Vigo, dirixido por Ángel A. Montes.

Na actualidade forma parte do grupo Ardentía e tamén do Coro de Cámara Rías Baixas de Vigo.

Rubén Troitiño nace no ano 1988. As súas primeiras nocións de gaita foron da man do seu pai José Luís Troitiño, e as primeiras de música, no ano 1993, da man do mestre Avelino Alberte Fírvida (sobriño de Avelino Cachafeiro), en Os gaiteiros de Soutelo e Coros e Danzas da Terra de Montes, grupo feito na honra de Avelino, onde aprendeu gaita galega, percusión tradicional e linguaxe musical. Neste grupo estivo ata o ano 2000, no que se desfixo esta formación. Entre os anos 1995 e o 2000 estudou na academia de música Anacrusa, en Vigo, nas modalidades de piano, técnicas vocais e linguaxe musical. Ao ano seguinte, 2001, entra no Conservatorio Profesional de Música de Vigo, na especialidade de gaita galega. Ademáis da gaita, tamén toca outros instrumentos coma a percusión tradicional, dende o 1995, o clarinete, que o empeza a estudar no ano 2005 ou o saxofón (soprano, alto e tenor), dende o 2006.

Ao longo da súa traxectoria coma músico participou en diversas agrupacións coma membro, colaborador ou en proxectos persoais.

Na actualidade, o seu traballo céntrase principalmente na investigación e no estudo das músicas da comarca da Terra de Montes, no marco do proxecto co nome de Músicas da Terra de Montes. A través desta labor de investigación, busca aprofundar no coñecemento e na comprensión da rica actividade musical desa zona, explorando as súas raíces históricas e a súa evolución ao longo do tempo. Non obstante, segue mantendo a súa actividade como instrumentista en proxectos e colaboracións nos que pode seguir experimentando e crecendo como artista.

• Asociación Cultural Os Abrentes de Cerdedo – Dende o ano 2000
  Membro da “A. C. Os Abrentes de Cerdedo” dende o ano 2000 e presidente de 2009 ata 2022.

• Coro de cámara Rías Baixas – Dende o ano 2022
  Membro do coro de cámara Rías Baixas formando parte da corda de baixos.

• Ardentía – Dende o ano 2023
  Membro do grupo de música folk Ardentía.

• XXX Festa do Gaiteiro de Soutelo de Montes (Forcarei) – 2009

Asesoramento.

• XXXI Festa do Gaiteiro de Soutelo de Montes (Forcarei) – 2010

Asesoramento.

• XXXVIII Festa do Gaiteiro de Soutelo de Montes (Forcarei) – 2017

Asesoramento.

• XXXVIII Festa do Gaiteiro de Soutelo de Montes (Forcarei) – 2019

Asesoramento. 50 aniversario da publicación do libro de poemas “Voando cas aas da vida” de Avelino Cachafeiro. 

• XLII Festa do Gaiteiro de Soutelo de Montes (Forcarei) – 2021

Asesoramento.

• Actos do 50 aniversario do pasamento de Avelino Cachafeiro, o gaiteiro de Soutelo – 2022

Asesoramento.

• • • Ruada das Letras Galegas por Avelino Cachafeiro celebrada o 14 de maio en Soutelo de Montes.

    • Inauguración dunha escultura en homenaxe ao Gaiteiro de Soutelo o día 29 de xullo na praza dos gaiteiros en Soutelo de Montes.

    • XLIII Festa do Gaiteiro de Soutelo de Montes (Forcarei).

• XLIII Festa do Gaiteiro de Soutelo de Montes (Forcarei) – 2022

Asesoramento.

• I Xornadas das músicas da Terra de Montes – 2022

Organización.

• Sábado 15 de outubro no lugar de Cerdedo (Cerdedo-Cotobade) - Adicado ás bandas de música.

• Sábado 22 de outubro no lugar de Soutelo de Montes (Forcarei) - Adicado á música tradicional.

• Xuntanza veciñal en Cerdedo sobre as músicas da Terra de Montes – 2023

Organización.

• Mércores  26 de xullo no lugar de Cerdedo (Cerdedo-Cotobade).

• Nadal de tradición, festival benéfico organizado pola A. C. Os Abrentes de Cerdedo – 2023

Asesoramento e presentación.

• Sábado 23 de decembro no Auditorio de Cerdedo (Cerdedo-Cotobade)

• Finalista e 4º Posición no “IX Concurso de música tradicional Avelino Cachafeiro” – 2007

Gaiteiro solista, acompañado co tambor por Edelmiro Fernández.

• Finalista do “I Concurso de cuartetos tradicionais” de Luou – 2007

Organizado pola A. C. A Mámoa, co cuarteto de gaitas tradicionais “O Rapacarallas” de Vigo.

• 2º Premio na categoría “Grupo Popular” no “51 Certamen Nacional de Acordeón” – 2008

Organizado pola “Asociación Galega do Acordeón”, cun dúo de gaita galega e acordeón, con Roberto Comesaña.

• Finalista e 5º posición no “X Concurso de música tradicional Avelino Cachafeiro” – 2008

Gaiteiro solista, acompañado co tambor por Iago Barreiro.

• 1º Premio no “VI Concurso de maquetas de música da Universidade de Vigo” – 2008

Modalidade de “música folk” co grupo “A gharrapata”, con Roberto Comesaña.

• Xurado no “VI Concurso de música tradicional Ricardo Portela, o gaiteiro de Viascón” – 2009

• Premio Extraordinario Fin de Grao Profesional na especialidade de Gaita Galega – 2011

Conservatorio Profesional de Musica de Vigo.

• Finalista nos III Premios Martín Códax da Música con “O Fiadeiro” – 2016

Músico da charanga/orquestra e técnico de son nas gravacións das publicacións.

• Pregoeiro da “XLII Festa do gaiteiro de Soutelo de Montes” – 2021

Pregón na coñecida coma “Festa do Gaiteiro”, Soutelo de Montes (Forcarei) en homenaxe á figura de Avelino Cachafeiro e dos Gaiteiros de Soutelo.

• Pandeireteiras de Barro de Arén – 2004/09

Colaborador - Gaiteiro (gravación – gaita, tambor e bombo).

• Grupo de música folk O Regato (A Estrada) – 2006

Colaborador - Clarinetista.

• Concerto-Homenaxe ás “Pandeireteiras de Barro de Arén” (Teatro Principal – Pontevedra) – 2006

Colaborador - Gaiteiro solista. Nesta homenaxe participaron “Os Abrentes de Cerdedo”, “Tear de Llerena”, “Donicelas”, “Xirandola” e “Leilía”.

• Grupo Tradicional de Danzas Noutrora (Vigo) – 2006/07

Colaborador - Percusión tradicional.

• Asociación Folclórica Cantigas e Agarimos (Santiago de Compostela) – 2007

Colaborador - Gaiteiro. Gala do 85 Aniversario.

• Polafía realizada en Cerdedo –  2007

Gaiteiro solista - Proxecto da “Asociación de Escritores en Lingua Galega” (AELG) co patrocinio da “Dirección Xeral de Creación e Difusión Cultural da Consellería de Cultura”.

• Grupo de música tradicional Foula (Pontevedra) – 2007/08

Colaborador - Saxofonista (saxofón soprano e alto).

• Charanga Vai de Baile (Luar da Televisión de Galicia) – 2007/08/09

Colaborador - Saxofonista (saxofón soprano), percusionista e técnico de son. Programa de televisión “Luar” da CRTVG (Compañía de Radio Televisión de Galicia).

• Asociación Veciñal e Cultural “Casco Vello” (Vigo) – 2008/09/10/11

Colaborador - Clarinetista, percusionista e gaiteiro. “Festa da reconquista da vila de Vigo” e “Festas dos Maios”.

• Grupo de música tradicional Paidacana (Poio) – 2008/09

Colaborador - Gaiteiro. Dirección musical: Óscar Ibáñez.

• Presentación da “XXIX Festa do Gaiteiro de Soutelo” (Soutelo de Montes – Forcarei) – 2008

Gaiteiro solista - Festa na honra do gaiteiro Avelino Cachafeiro, “O Gaiteiro de Soutelo”.

• Asociación cultural de Baiña – 2008

Colaborador - Percusión tradicional.

• Lembranzas Galegas (Vigo) – 2008

Colaborador - Saxofonista (saxofón soprano).

• Asociación “Centro Comercial Urbano Zona Monumental” (Pontevedra) – 2008

Colaborador - Saxofonista (saxofón alto). Co patrocinio da “Consellería de Innovación e Industria”, nas visitas teatralizadas “Boa Vila dende o Camiño Xacobeo” na cidade de Pontevedra.

• Art-Monium, Compañía de espectáculos e teatro de rúa – 2009

Colaborador - Saxofonista (saxofón soprano).

• Foles vellos – 2009

Colaborador - Saxofonista (saxofón soprano).

• Co músico de blues Eddie Evans (Eddie el zurdo) xunto cos músicos de Phantom Club (Vigo) – 2009

Colaborador - Saxofonista (gravación – saxos alto e tenor).

• Grupo de danza da asociación Rueiro (Vigo) – 2009

Colaborador - Percusión tradicional.

• Asociación Folclórica Corisco (Vigo) – 2009 e 2012

Colaborador - Saxofonista (saxofón soprano e alto). No ano 2012 colaboración no 25 aniversario da asociación.

• Presentación da “XXX Festa do Gaiteiro de Soutelo” (Soutelo de Montes – Forcarei) – 2009

Gaiteiro solista - Festa na honra do gaiteiro Avelino Cachafeiro, “O Gaiteiro de Soutelo”.

• Asociación Cultural A Seneira (Baiona) – 2010

Colaborador - Gaiteiro. “Festa da arribada 2010”.

• Dakidarría (Val Miñor – Pontevedra) – 2010

Colaborador - Saxofonista (directo e gravación – saxofón soprano). Grupo de Punk/Ska/Reggae. Colaboración xunto con membros do Conservatorio Profesional de Música de Vigo (CPMV). Disco: “Reallidades Alienantes…”.

• Concerto fin de carreira do músico Rafael Crespo – 2012

Colaborador - Conservatorio Superior de Música de Vigo. Colaboración no concerto fin de carreira do músico Rafael Crespo (especialidade gaita galega) xunto con músicos coma Xurxo Fernández, Lucía Comesaña, Armando Viñas, Ánxela Vidal, Lucía Martínez, Paulo González…. Saxofón alto (Charanga “O Fiadeiro”) e canto vocal (baixo – peza tradicional, “Ronda dos mozos de polaina enteira” recollida en Florderrei (Cancioneiro das Terras do Riós), arranxada por Rafael Crespo).

• Charanga tradicional Os Xirifeiros (Carríl – Pontevedra) – 2010

Colaborador - Saxofonista (saxofón soprano). Colaboración xunto cos músicos: Rafael Crespo, Ánxela Vidal, Cristian Silva e Alberto Costas.

• Con Marta Quintana – 2010

Colaborador - Saxofonista (gravación – saxos alto e soprano).

• Escola municipal de teatro de Vigo (Visitas teatralizadas ao casco histórico de Vigo) – 2010

Colaborador - Gaiteiro e percusionista. Colaboración coa “Escola municipal de teatro de Vigo” nas visitas teatralizadas ao casco histórico de Vigo co motivo da celebración do bicentenario da cidade (plan de competitividade turística de Vigo, turismo urbano e de ría).

• Kallaikoi – 2010

Colaborador - Saxofonista (saxofón tenor). Colaboración co grupo de Punk/Rock “Kallaikoi” de Baiona (Pontevedra).

• Charanga CostameKrelos (Bembrive – Vigo) – 2013

Colaborador - Saxofonista (saxofón alto).

• Coro do Conservatorio Profesional de Música de Vigo – 2013

Colaborador - Canto coral (baixo). Colaboración co Coro do Conservatorio Profesional de Música de Vigo no auditorio David Russell do CMUS Profesional de Vigo co motivo da celebración do X Aniversario. Neste concerto estreouse a versión completa para banda e coro do “Himno a Vigo”, con música do mestre Reveriano Soutullo e letra de Pío L. Cuíñas, todo iso baixo a dirección de Juan Carlos Díaz.

• Co cantautor Urbano Cabrera – 2013

Colaborador - Gaita e percusións. Colaboración co cantautor baionés Urbano Cabrera xunto co grupo Abóbriga.

• Presentación do libro Xoán Tilve, gaiteiro de Campañó xunto a Oscar Ibáñez –  2015

Colaborador - Presentación da colección de libros de Chave Mestra con especial atención ao último número sobre Xoan Tilve, gaiteiro de Campañó. Neste acto estiveron presentes Ramón Pinheiro Almuinha, director artístico d’aCentral Folque e coordinador da edición; o musicólogo Xabier Groba; e Oscar Ibáñez, coautor do libre sobre Tilve. Nesta presentación acompañouse a Oscar Ibáñez coa perscusión na que interpretou varios temas coa gaita orixinal de Manuel Villanueva, unha xoia organolóxica do século XIX, gaita tombal que pertenceu ao propio Xoán Tilve. Presentado na ACF O Fiadeiro de Vigo.

• Un río de músicas pola paz da Orqustra Xove 430 – 2016

Colaborador - Canto Coral (baixo) – Celebrado no Auditorio Mar de Vigo. Un programa de Primavera 2016 protagonizado pola orquestra Xove 430 e un coro efímero e participativo baixo a batuta de Julio Domínguez e Irene Gómez Calado.

• Coro Miñoca ma non toppo de Vigo – 2009/16

Exmembro – Membro fundador. Director: Ángel A. Montes.

• Charanga de música tradicional Abóbriga de Baiona – 2008/16

Exmembro – Saxofonista.

• ACF O Fiadeiro de Vigo – 2007/16

Exmembro - Charanga/Orquestra O Fiadeiro – saxofonista e colaborador coma gaiteiro e percusionista.

• Grupo de música folk Quempallou – Fin da formación 2016

Exmembro – Gaiteiro e clarinetista.

• Oscar Ibáñez e Tribo – 2018

Colaborador - Espectáculo “Aires de Pontevedra, homenaxe a Ricardo Portela” para pechar os actos conmemorativos do 25 Aniversario pasamento. Outros colaboradores: Anxo Pintos, Begoña Riobó, Xosé Liz, Marcos Campos, Chuco Estévez González, Miguel Souto, Wenceslao Cabezas “Polo”, Carla Villanueva Rodríguez, Álvaro Novegil Pintor Alvarellos, José Luis Lema, gaiteiros da Banda de Gaitas Nova Era de Verín, José Campos, Miguel Fraguas, Rubén Troitiño, Laura Garcia Couto, Maria Vidal Sabaris, Bailadores do Fiadeiro, Bailadores da A.F. Celme, Compañía de Danza Contemporánea Jesús Quiroga).

• Presentación do libro A Requinta do Ulla – Obradoiro Riobó do autor Rafael Carracedo –  2018

Colaborador - Presentación do libro “A Requinta do Ulla – Obradoiro Riobó” do autor Rafael Carracedo na ACF O Fiadeiro de Vigo. 

• Orquestra Barroga Vigo 430 e Coro Rías Baixas – 2019

Colaborador - Canto Coral: Baixo – Concertos celebrados no Auditorio Afundación de Vigo e no Círculo de las Artes de Lugo no mes de xaneiro. Coro de Cámara Rías Baixas dirixido por Bruno Díaz, solistas: Eugenia Boix (soprano), Gabriel Díaz (contratenor) e unha das figuras máis destacadas do violín dentro do panorama historicista, Lina Tur Bonet, exercendo coma solista ademáis de como directora. A interpretación do repertorio a cargo da Orquestra Barroca Vigo 430, orquestra especializada e con instrumentos orixinais. Obras interpretadas: Leo: “Salve regina”; Stradella: “Crocifissione e morte de Iesu Cristo”; Vivaldi: concerto para violín “Il grosso mogul” e “Gloria”.

• ACF O Fiadeiro e a ESADG (Escola Superior de Arte Dramática de Galicia) – 2019

Colaborador - Participación na respresentación músico-teatral do Libro/CD “A viaxe de José do Campo, unha historia musical dende O Courel ata Nova Orleáns”. Esta viaxe é o resultado do traballo do curso de 3º de Interpretación Xestual da ESAD de Vigo xunto ca A.C.F. O Fiadeiro, un traballo de meses que mestura interpretación e músicas e bailes tradicionais. Este esforzo creativo, que está baseado no libro-disco homónimo editado por Ton e Son Editorial co Fiadeiro e creado por Xavier Balsas e Rafa Crespo no ano 2015 – Venres 24 de maio no Auditorio Municipal do Concello de Vigo.

• Roteiros pola tradición musical da provincia de Pontevedra adicado a Os Gaiteiros de Soutelo – 2019

Colaborador - Participación nesta iniciativa da Asociación de Gaiteir@s Galeg@s co apoio da Deputación Provincial de Pontevedra, cos que se pretende dar a coñecer e poñer en valor a figuras e formacións senlleiras da provincia, hoxe referencia imprescindible da nosa música tradicional.

• Pregón na XL Festa do gaiteiro de Soutelo xunto a Carme Hermida – 2019

Gaiteiro solista - Participación no pregón da “XL Festa do gaiteiro de Soutelo” encargado da parte musical interpretando dúas pezas, a primeira delas foi a “Alborada de Rosalía de Castro” e a segunda unha pequena obra de composición propia cun dos poemas de Avelino Cachafeiro do seu libro “Voando cas aas da vida”, xa que neste ano celebrouse o 50 aniversario da súa publicación, que leva por título “Canta a neniña pastora” (título orixinal do poema).

• Coro de Cámara Rías Baixas – 2021

Colaborador - Participación coma percusionista acompañante xunto con Inés Fernandez (violín) e Olalla Vidal (arpa) nos concertos celebrados nos días 27 e 28 de agosto dentro do ciclo ‘Vigo, un mar de corais’.

• Banda de música de Cerdedo – 2022

Gaiteiro solista - Participación coma gaiteiro solista no concerto do sábado 30 de abrirl que leva por título “O Camiño: Mitos e Tradicións!”. Como notas ao repertorio que interpretei de maneira solista, a peza que interpretei para abrir o acto foi baseada no “Cantar do arrieiro”, de Manuela Cortizo (Manuela das Marianas ou Manuela de Barro) e a segunda a “Alborada de Rosalía de Castro”, do repertorio dos gaiteiros de Soutelo. Esta última co gallo do 50 aniversario do pasamento de Avelino Cachafeiro e tamén das actuacións que os gaiteiros de Soutelo fixeron en Cerdedo na súa época.

Participación coma gaiteiro solista no concerto do domingo 31 de xullo co gallo das festas do Ecce-Homo en Cerdedo.

• Carlos Núñez – 2022

Colaborador/Gaiteiro solista - Participación coma gaiteiro solista e coa A. C. Os Abrentes de Cerdedo no concerto celebrado o sábado 27 de agosto no lugar de Viascón (Cerdedo-Cotobade) dentro da súa xira "Lugares máxicos" dentro dos actos de homenaxe a Ricardo Portela conmemorando o 30 cabodano do seu pasamento.

• Carlos Núñez – 2023

Colaborador/Gaiteiro solista - Participación coma gaiteiro solista e coordinando ás agrupacións do concello (Os Abrentes, Foula e Os Afoutes) no concerto celebrado o sábado 26 de agosto no lugar de Tenorio (Cerdedo-Cotobade) dentro da súa xira "Lugares máxicos".