Un xurado plural e especializado

O xurado da modalidade de Música está integrado por sete persoas con diferentes perfís e experiencias profesionais, que achegan unha visión ampla do panorama musical galego:

• Rosa Cedrón, intérprete.

• Xavier E. González Vázquez, director de Maruxía na fronteira, en Radio Tui.

• Lorena López Cobas, profesora e investigadora.

• Leni Pérez, intérprete.

• Rubén Troitiño, músico e estudoso do proxecto Músicas da Terra de Montes.

• Pablo Vázquez, crítico de A Movida.

• Xaime Estévez Vila, catedrático de música e secretario do xurado.

A diversidade de perfís permite abordar a valoración das candidaturas desde diferentes perspectivas, combinando a experiencia artística coa investigación, a docencia, a divulgación e a crítica musical.

Que recoñecen os Premios da Crítica de Galicia na modalidade de Música?

Segundo as bases da convocatoria, poden optar ao recoñecemento os traballos de composición, interpretación e compilación musical editados en formato de partituras ou discos, así como aqueles comunicados publicamente a través de Internet entre o 1 de xaneiro e o 31 de decembro de 2025.

Tamén se teñen en conta as composicións e obras musicais estreadas durante ese período, as interpretacións que acadaron unha proxección destacada e as iniciativas que contribuíron de maneira relevante á promoción e á difusión da música na sociedade galega.

Así mesmo, os premios contemplan o recoñecemento de persoas cunha traxectoria musical consolidada que protagonizasen un fito especialmente significativo durante 2025, tanto dentro como fóra de Galicia.

A valoración das candidaturas corresponde exclusivamente ao xurado, que establece os seus propios criterios de avaliación. En todo caso, a excelencia artística e a relevancia das achegas para a cultura galega constitúen os principios fundamentais que orientan a decisión.

A XLIX edición dos Premios da Crítica de Galicia

Os Premios da Crítica de Galicia teñen como finalidade recoñecer as achegas individuais e colectivas máis relevantes aos distintos ámbitos da creación cultural e da investigación en Galicia. A edición de 2026 abrangue dez modalidades: Creación Literaria, Investigación en Ciencias e Tecnoloxía, Investigación en Ciencias Sociais e Humanidades, Música, Iniciativas Culturais e Científicas, Artes Plásticas, Artes Escénicas, Cine e Artes Audiovisuais, Cultura Dixital e Cultura Gastronómica.

O ditame desta XLIX edición dos Premios da Crítica de Galicia darase a coñecer o sábado 17 de outubro de 2026, a partir das 12:15 horas, no Centro Social Afundación de Vigo.

A participación neste xurado supón, para min, unha oportunidade para contribuír ao recoñecemento de propostas musicais que destaquen pola súa calidade, personalidade e relevancia cultural, así como para seguir apoiando a diversidade e a riqueza da música feita en Galicia.

Un compromiso coa nosa cultura, coa memoria musical e coas persoas que fan posible que a música galega continúe medrando, evolucionando e ocupando o lugar que merece.

Xurados dos Premios da Crítica de Galicia 2026

A xunta directiva da Asociación Premios da Crítica de Galicia acordou que o ditame da XLIXª edición dos Premios da Crítica de Galicia 2026 se celebrará o sábado 17 de outubro a partir das 12:15 horas  no centro social Afundacion de Vigo. Así mesmo nomeou as seguintes persoas como membros dos xurados de cada unha das dez modalidades:

CREACIÓN LITERARIA

• Lara Dopazo Ruibal, escritora, gañadora da edición anterior

• Iago Fernández Pérez, crítico de Faro de Cultura

• Anxo González Guerra, profesor xubilado e divulgador

• Irene Penas Murias, editora especialista en LIX

• Miguel Sande Corral, escritor

• Rexina Vega, escritora e profesora da UVigo

• Míriam Ferradáns Ferradás, escritora, secretaría

INVESTIGACIÓN EN CIENCIAS E TECNOLOXÍA

• Belén Riveiro Rodríguez, catedrática do CINTECX da UVigo, gañadora da edición anterior

• Olga Aguín Casal, xefa de sección de Bioloxía Molecular da Deputación de Pontevedra

• Gumersindo Feijoo Costa, catedrático de Enxeñería Química da USC, membro da RAGC.

• Juan Pablo Hervés Beloso, catedrático de Química Física, CINBIO da UVigo

• Susana Ladra González, catedrática de Linguaxes e Sistemas Informáticos, CITIC da UDC.

• Ana Isabel Rodríguez Pérez, titular de Anatomía e Embrioloxía Humana, CIMUS da USC

• María Teresa Vilariño Barreiro, titular de Química Física da UDC, secretaría

INVESTIGACIÓN EN CIENCIAS SOCIAIS E HUMANIDADES

• Xosé Miguel Andrade Cernada, catedrático de Historia Medieval da USC, gañador da edición anterior

• Carlos Aymerich Cano, profesor titular de Dereito Administrativo da UDC

• Xosé Antón Caride Gómez, profesor emérito de Pedagoxía Social da USC

• Xosé María Gómez Clemente, profesor titular de Filoloxía Galega da UVigo, correspondente da RAG

• Águeda Gómez Suárez, profesora titular de Socioloxía da UVigo; María Loureiro García, catedrática de Fundamentos de Análise Económica da USC, membro da RAGC

• Eulalia Agrelo Costas, profesora titular de Didáctica da Lingua e Literatura da UVigo, secretaría

INICIATIVAS CULTURAIS E CIENTÍFICAS

• Ramón Varela, presidente da Asociación de Entidades Locais pola Lingua Galega, Programa Apego, gañador da edición anterior

• María Luisa Abad, presidenta do Ateneo Atlántico

• Mercedes Bangueses, presidenta do Instituto de Estudios Vigueses

• Llerena Perozo Porteiro, xestora cultural, escritora

• Xavier Romero, editor Editorial Elvira

• Carolina Sertal, xornalista de Faro de Vigo

• Alejo Amoedo, pianista, catedrático do Conservatorio de Vigo, secretaría

MÚSICA

• Rosa Cedrón, intérprete

• Xavier E. González Vázquez, director de «Maruxía na fronteira», Radio Tui

• Lorena López Cobas, profesora e investigadora

• Leni Pérez, intérprete

• Rubén Troitiño, músico estudoso do proxecto Músicas da Terra de Montes

• Pablo Vázquez, crítico A Movida

• Xaime Estévez Vila, catedrático de música, secretaría

ARTES PLÁSTICAS

• Mónica Alonso, creadora e membro da RAGBA

• Sara Donoso, comisaria e xestora cultural

• María Xosé Fernández Iglesias, creadora

• Alba López, galería Néboa de Lugo

• Carlos Rosón, director da Fundación RAC, arquitecto, coleccionista

• Xosé Vilamoure, creador, galería Dodó Dadá de Ourense

• Rosendo Cid, artista, escritor, secretaría

ARTES ESCÉNICAS

• Teatro de Ningures, compañía gañadora da edición anterior

• Iván Fernández, crítico e director de escena

• Diana Longa, dramaturga e membro de RGT

• Malala Ricoy, intérprete de circo, co-directora Festival Manicómicos de Novo Circo

• Daniel Salgado, director da ESAD de Galicia e director de escena

• Alberto Sueiro, presidente do FIOT de Carballo

• Cristina Domínguez, directora, secretaría

CINE E ARTES AUDIOVISUAIS

• Manuel González Álvarez, profesor, gañador da edición anterior

• Melania Cruz, actriz

• Miguel Anxo Fernández, escritor e crítico de cine de La Voz de Galicia

• Nati Juncal, produtora

• David Machado, técnico de son, Goya ao mellor son

• Xurxo Martínez González, investigador, crítico de Faro da Cultura

• Mar Mato, xornalista de Faro de Vigo, secretaría

 CULTURA DIXITAL

• Andrea Villa Feijóo, Carballo Interplay, gañadora da edición anterior

• Irene Bascoy Suárez, subdirectora de Faro de Vigo

• Juan Janeiro «Ghanito», editor podcast

• Manolo Martínez Barreiro, editor dixital

• Xesús Rodríguez Rodríguez, catedrático de Didáctica da USC

• Nel Vidal Barral, profesor e coordinador de Equipo de Dinamización da Lingua

• Inma Valeije Alvarez, catedrática de Dereito Penal da USC, secretaría

 CULTURA GASTRONÓMICA

• Manuel Hermo Piñeiro, director IFP Carlos Oroza, gañador da edición anterior

• Katia Álvarez Bugarín, enóloga da Adega Martín Codax

• Braulio García Cruz, cociñeiro, profesor do Centro de Hostelaría de Galicia

• Xosé Antonio López Silva, catedrático de Latín, investigador e ensaísta

• Jesús Picallo, vicepresidente do Clúster de Turismo de Galicia

• Belén Xestal, coordinadora de Eventos e Congresos Xestal P&C

• Alberto Barciela, xornalista, secretaría.