O vindeiro 19 de outubro terá lugar o Festival de Música Tradicional en Cerdedo, organizado pola Asociación Cultural Os Abrentes de Cerdedo, que chega á súa oitava edición. Este ano o festival será especial, xa que se celebrará o 30 aniversario do grupo de gaitas desta asociación. 

O evento será presentado por Rubén Troitiño e terá lugar no auditorio do Centro Cultural de Cerdedo ás 20:00 horas, con entrada de balde ata completar aforo. Contará coa actuación de:

• Cantareiras Bulideiras

• Xosé Iglesias Buxán

• Banda de Gaitas de Forcarei

• Aghruo

• Os Abrentes de Cerdedo

O festival é organizado pola A. C. Os Abrentes de Cerdedo, en colaboración co Concello de Cerdedo-Cotobade, Músicas da Terra de Montes e a Deputación de Pontevedra.