Este venres, 16 de maio, o Concello de Cerdedo-Cotobade celebrará un dos actos centrais do Día das Letras Galegas 2025 cunha homenaxe moi especial ás Pandeireteiras de Barro de Arén, símbolo vivo da tradición oral e musical da Terra de Montes.

O acto terá lugar no auditorio do Centro Cultural de Cerdedo ás 20:00 horas e estará conducido por Rubén Troitiño, mestre, músico e coñecedor da tradición local. A través da música, a palabra e a emoción, renderase tributo a estas mulleres que durante décadas mantiveron viva unha forma de entender a cultura baseada na comunidade e na oralidade.

O Día das Letras Galegas deste ano está dedicado pola Real Academia Galega á poesía popular oral, representada en figuras coma Adolfina Casás, Rosa Casás, Eva Castiñeira, Manuela Lema, Teresa García, Prudencia Garrido e Asunción Garrido, moitas delas vencelladas tamén ao mundo das pandeireteiras. Un recoñecemento colectivo que encaixa á perfección coa homenaxe local que se lles rende ás mulleres de Barro.

👉 Entrada libre ata completar aforo.
📅 Venres 16 de maio
📍 Auditorio do Centro Cultural de Cerdedo
🕗 20:00 h