Rubén Troitiño e Carlos Núñez | Fotografía de Noelia Ratel

O pasado sábado 26 de agosto, tiven a fortuna de participar no derradeiro concerto da xira "Lugares Máxicos" de Carlos Núñez, actuando como gaiteiro solista xunto cos meus compañeiros da A. C. Os Abrentes de Cerdedo, e en compañía da Banda de gaitas Foula e A. C. Os Afoutes do Canón de Pau, no enclave de Tenorio (Cerdedo-Cotobade). É un verdadeiro honor para min poder ser parte deste concerto, especialmente rendendo homenaxe aos gaiteiros de Soutelo e a Ricardo Portela. 

Gustaríame expresar o meu agradecemento a Carlos e ao seu equipo por brindarme esta oportunidade, así como aos compañeiros das asociacións culturais.