Ardentía formará parte do cartel do Bruón Folk Fest 2026, que terá lugar os días 8 e 9 de maio en Artes (Ribeira), un festival que medra arredor da tradición, da memoria colectiva e da celebración da cultura galega.

A actuación de Ardentía será o sábado 9 ás 22:30 horas, nun dos momentos centrais dunha xornada pensada para gozar da música, da comunidade e da identidade.

Un festival que nace da lenda

O Bruón Folk Fest inspírase na lenda do Boi Bruón, ligada á lagoa do Carregal. Segundo a tradición oral, baixo esas augas existiu unha antiga aldea asolagada, habitada por mouros, da que só ficou o eco dun boi misterioso cuxos bramidos aínda resoan. Esta figura simbólica, transmitida de xeración en xeración, dá nome ao festival e representa a forza da tradición, da memoria e da cultura viva.

Programación completa: dous días de cultura, música e participación

O festival estrutúrase en dúas xornadas cunha programación ampla e diversa:

Venres 8 de maio

A primeira noite combina reflexión, comunidade e música:

• 20:00 – Presentación do festival
  Un acto simbólico que invoca a maxia do Bruón e marca o inicio da celebración.

• 20:30 – Mesa redonda
  Con Nel Vidal, Mateo Vázquez e Alicia Padín, arredor da palabra, a música e a transmisión cultural.

• 21:30 – Liantes e amigos
  Concerto colaborativo con artistas locais, destacando a forza da comunidade.

• 22:30 – Five Pipers: Noite de Queimada e Folk
  Un espectáculo explosivo que mestura tradición e enerxía contemporánea.

Ademais, durante toda a xornada estará activa A Feira e a Eira do Bruón, un espazo dedicado á artesanía, á gastronomía e ao encontro social.

Sábado 9 de maio

A segunda xornada abre o festival a todos os públicos e intensifica a actividade cultural:

• 11:00 – 3ª Edición Bruonciño
  Espazo protagonizado polos máis pequenos, que toman o escenario.

• 12:00 – Artesanía tradicional de forxa e cerámica
  Demostracións en vivo do saber facer artesanal.

• 12:30 – Parladoiro con Mondra
  Un encontro interxeracional sobre o futuro da música galega.

• 13:30 – Ce Pantasma
  Espectáculo cheo de humor e imaxinación para todos os públicos.

• 14:30 – Sesión Vermouth: Requinta de Lampai
  Música e gastronomía nun ambiente festivo e familiar.

• 16:00 – Pakolas: música e narración en familia
  Proposta didáctica que une música e relato.

• 17:00 – Taller pedagóxico con Paula Pérez
  Espazo inclusivo de aprendizaxe a través do xogo.

• 17:10 – Ti si que Bruas
  Escenario aberto á participación popular.

• 18:30 – Ce Pantasma
  Nova sesión do espectáculo.

• 19:30 – Obradoiro de baile con Luis Prego
  Preparando o corpo para a noite de concertos.

• 21:00 – Faltriqueira
  Máis de dúas décadas reinterpretando a música tradicional.

• 22:30 – Ardentía
  Un dos momentos máis esperados do festival.

• 00:00 – Ramalleira
  A forza da música da diáspora.

• 01:30 – Himno Bruón
  Peche colectivo do festival, celebrando a comunidade.